აცრა
5-დან 11 წლამდე ასაკის ბავშვებისთვის

IfSG- რეგისტრირებული ციფრების მიხედვით 5-11 წლის ასაკის ბავშვებისთვის ჰოსპიტალიზაციის სიხშირე იყო 0.2%. COVID-19 ჰოსპიტალიზაციის სარეგისტრაციო მონაცემები შეზღუდულია, რადგან არ არის მოცემული განსხვავება იმ პირებს შორის ვინც ჰოსპიტალიზებული იყო COVID-19-ის გამო ან COVID-19-ით. ამ ფაქტის გათვალისწინებით კომბინირებული იქნა სხვადასხვა მონაცემთა წყაროები. აქ აღინიშნა, რომ SARS-CoV-2 ინფექციით ინფიცირებული 5-11 წლის 10 000 ბავშვიდან რომელთაც მანამდე არ ჰქონიათ დაავადება 1-ზე ნაკლები იყო ჰოსპიტალიზებული COVID-19-ის მკურნალობისთვის. მთლიანობაში ჰოსპიტალიზაციის და ინტენსიური თერაპიის განყოფილებაში მოხვედრის სიხშირე 5-11 წლის ასაკის ჯგუფისთვის ყველაზე ნაკლები იყო პედიატრიულ ასაკში. მოცემული შედეგებიდან და IfSG რეგისტრირებული მონაცემებიდან გამომდინარე უნდა აღინიშნოს რომ COVID-19 ინფექციის სიმძიმე მნიშვნელოვნად ნაკლებია 5-11 წლის ასაკის ბავშვებში ყველა სხვა ინფიცირებულ პირებთან შედარებით.

გამომდინარე იქიდან, რომ 5-დან 11 წლამდე ასაკის ბავშვები ნაკლებად ხშირად არიან აცრილები, ინფექციები ამ ასაკობრივ ჯგუფში უფრო ხშირია. ომიკრონის ვარიანტი განსაკუთრებით გადამდებია, ბავშვებისთვისაც. თუმცა, ამჟამად არ არსებობს მტკიცებულება იმისა, რომ ომიკრონის ვარიანტით ინფიცირებულ ბავშვებს უფრო მეტად უვითარდებათ მძიმე დაავადებები.

PIM სინდრომი (პედიატრიული ანთებითი მულტისისტემური სინდრომი) არის მულტიანთებითი დაავადება, რომელიც შეიძლება გამოვლინდეს ბავშვებში კორონავირუსით დაინფიცირებიდან რამდენიმე კვირაში. PIMS-ის გამოვლენა არ არის დამოკიდებელი ინფექციის სიმძიმეზე, რაც იმას ნიშნავს, რომ იგი ასევე შეიძლება განვითარდეს, თუ თავად კორონავირუსით გამოწვეული ინფექცია იყო მსუბუქი. სიმპტომები ძირითადად არის სიცხე, მუცლის ტკივილი და ცუდი ამტანობა. აშშ-ს ამჟამინდელი მონაცემები მიუთითებს, რომ კორონავირუსის საწინააღმდეგო აცრა ბავშვებისთვის არა მხოლოდ გვთავაზობს დაცვას თავად კორონავირუსით დაინფიცირებისგან, არამედ ასევე გვიცავს PIM სინდრომის შემდგომი განვითარებისგან. გერმანიაში პანდემიის დროს აღნიშნული PIMS-TS შემთხვევების 54% (375/698) DGPI რეესტრის მიხედვით იყო 5-11 წლის ასაკის ბავშვები. ამ ბავშვების ნახევარი საჭიროებდა ინტენსიურ მკურნალობას, 4% საჭიროებდა ინვაზიურ ხელოვნურ სუნთქვას და გარდაცვალების შემთხვევა არ აღნიშნულა. ინფექციის მაღალი ციფრების მიუხედავად მხოლოდ რამდენიმე PIMS-TS შემთხვევა აღინიშნა ომიკრონის ვარიანტის დომინაციისას.

მონაცემები ჯერჯერობით მწირია; უფრო მეტიც, არ არსებობს ბავშვებში „გრძელვადიანი კოვიდის“ ზოგადად მიღებული განმარტება. არ არსებობს მკაფიო მტკიცებულება იმისა, რომ ბავშვებს აქვთ ხანგრძლივი COVID-ის მაღალი რისკი. ბავშვებში იშვიათად დაფიქსირდა გრძელვადიანი ფიზიკური შეზღუდვები, სავარაუდოდ PIM სინდრომის შემდეგ. წინა პლანზე დგას COVID-19-ის დაავადების ფსიქო-სოციალური შედეგები. ეს არის კომპლექსური და ძნელად აღსაქმელი. სიმპტომები (მაგალითად დაღლილობა, კონცენტრაციისა და ძილის დარღვევები, თავის ტკივილი, დეპრესიული განწყობა) ცვალებადია და შეიძლება გაგრძელდეს კვირების ან თვეების განმავლობაში. საკონტროლო ჯგუფებზე ჩატარებულმა კვლევებმა აჩვენა მცირედი განსხვავება სიმპტომებს შორის ბავშვებში SARS-CoV-2 ინფექციით და მის გარეშე.

ვაქცინაციის მუდმივი კომისია (STIKO) რეკომენდაციას უწევს კორონას ვაქცინაციას ექვსი თვიდან ოთხ წლამდე ასაკის ბავშვებისთვის წინარე დაავადების ისტორიით. წინარე დაავადების ისტორიის მქონე ჯგუფს განსაკუთრებით მიეკუთვნებიან ნაადრევი მშობიარობის შედეგად დაბადებული ჩვილები. ასევე მიზანშეწონილად მიიჩნევა იმ ბავშვების იმუნიზაცია, რომელთა გარემოცვაშიც ცხოვრობენ ადამიანები, რომლებსაც აქვთ COVID-19 მძიმედ მიმდინარეობის გაზრდილი რისკი.

2022 წლის 25 მაისს, STIKO-მ შეცვალა ვაქცინაციის რეკომენდაციები 5-11 წლის ბავშვებისთვის და მას შემდეგ რეკომენდირებულია რომ ყველა მანამდე არავაქცინირებული ჯანმრთელი ბავშვი ამ ასაკში ვაქცინირებული იქნას ამ ასაკისთვის დამტკიცებული მესენჯერული რნმ ვაქცინით, სასურველია Comirnaty (10 μg). ვაქცინაციის რეკომენდაციების მიზანია 5-11 წლის ჯანმრთელ ბავშვებში ძლიერი SARS-CoV-2 იმუნიტეტის ჩამოყალიბება, რაც საჭიროა ვირუსის ახალი ვარიანტებით ან უკვე ცნობილი ვარიანტების ქვეტიპებით გამოწვეული ინფექციებისგან ან დაავადებებისგან დასაცავად და მძიმე ფორმის COVID-19 დაავადების და ჰოსპიტალიზაციის ასევე სხვა შესაძლო გართულებების პრევენციისთვის, SARS-CoV-2 ინფექციის არაპირდაპირი შედეგების შესამცირებლად, მაგ. იზოლაცია და კარანტინის პერიოდი.

საწყისი ერთჯერადი ვაქცინაცია საჭიროა ძირითადი იმუნიტეტის გამოსამუშავებლად, რადგანაც დადგენილია რომ ამ ასაკობრივი ჯგუფის ბავშვების 80% უკვე იყო ინფიცირებული SARS-CoV-2-ით. თუ ინფიცირების რაოდენობა კვლავ გაიზრდება, მაშინ ყველა ბავშვისთვის ხელახლა შეფასდება ძირითადი იმუნიზაციის ან ბუსტერ დოზის საჭიროების საკითხი.

ჯანმრთელი ბავშვების ვაქცინაცია, რომლებიც იმყოფებიან მძიმე ფორმით მიმდინარე COVID-19-ით დაინფიცირების მაღალი რისკის ქვეშ მყოფი ნათესავების ან სხვა საკონტაქტო პირების გარემოცვაში, რომელთაც თავად არ შეუძლიათ ვაქცინირება, ხდება ძირითადი იმუნიზაციით, ვაქცინის ორი დოზით.

წარსულში დაავადებების მქონე ბავშვებში კვლავ რეკომენდირებულია ძირითადი იმუნიზაცია ორი ვაქცინაციით და ერთი ან ორი ბუსტერული დოზა.

5-დან 11 წლამდე ბავშვების ვაქცინაცია სასურველია „კომირნატის“ (10 მკგ) ვაქცინით. „სპაიკვაქსის“ (50 მკგ) გამოყენება ანალოგიურად შესაძლებელია 6-დან 11-წლამდე ბავშვებში. ამჟამინდელი მონაცემების ანალიზის შედეგად შეიძლება დადგინდეს რომ ორივე Comirnaty (10 μg) და Spikevax (50 μg) ძირითადად კარგად გადაიტანება ამ ასაკობრივ ჯგუფში და არ წარმოადგენს საფრთხეს. Comirnaty (10 μg), ვაქცინის გამოყენების გამოცდილებიდან გამომდინარე 5-11 წლის ასაკის ბავშვებში ვაქცინასთან დაკავშირებული მიოკარდიტის რისკი მნიშვნელოვნად მცირეა მოზარდებთან და ზრდასრულებთან შედარებით. მიოკარდიტის შესახებ მონაცემები 6-11 წლის ასაკობრივი ჯგუფისთვის Spikevax (50 μg) მიღებისას ხელმისაწვდომია მხოლოდ პილოტურ კვლევებში. შესაბამისად 5-11 წლის ბავშვებისთვის STIKO იძლევა Comirnaty-თ ვაქცინაციის რეკომენდაციას.

არა, 5-დან 11 წლამდე ასაკის ბავშვებისთვის ვაქცინის დოზა უფრო დაბალია (ზრდასრულთა ვაქცინასთან შედარებით აქტიური ნივთიერების – „კომირნატისთვის“ მესამედი, „სპაიკვაქსისთვის“ კი ნახევარი).

2022 წლის 25 მაისიდან STIKO-მ შეცვალა რეკომენდაცია 5-11 წლის ასაკის ბავშვების ვაქცინაციასთან დაკავშირებით და მას შემდეგ რეკომენდირბეულია ერთჯერადი ვაქცინაცია ყველა მანამდე აუცრელი ჯანმრთელი ბავშვებისთვის ამ ასაკობრივ ჯგუფში.

მანამდე არსებული რისკ ფაქტორები და მდგომარეობები,რომლის გამოც რეკომენდირებული იყო სრული საბაზისო იმუნიზაცია და რევაქცინაცია მაგალითად: სიმსივნე, მძიმე ან უკონტროლო ასთმა, სიმსუქნე, გულ-სისხლძარღვთა დაავადებები, დიაბეტი, მაღალი წნევა, ტრისომია 21, გულის მანკები ფილტვისმიერი ჰიპერტენზიით, ასევე, სხვა იშვიათი დაავადებები. მიმოხილვა შეგიძლიათ იხილოთ 2022 წლის 18 აგვისტოს ეპიდემიოლოგიური ბიულეტენის მე-9 გვერდზე

აცრილ ბავშვებსა და მოზარდებში შეიძლება მოხდეს აცრის შემდგომი ტიპიური რეაქციები, რომლებიც ჩვეულებრივ ქრება ერთიდან სამ დღემდე ყოველგვარი კვალის გარეშე. ეს მოიცავს, მაგალითად, ტკივილს ინექციის ადგილზე, სიცხეს, შემცივნებას და თავის ტკივილს. აცრის შემდგომი ეს რეაქციები ასევე ცნობილია ზრდასრულებში ჩატარებული კლინიკური კვლევებიდან, მაგრამ ადრინდელი დაკვირვებით ისინი ჩვეულებრივ უფრო სუსტია ბავშვებში.

აშშ-ში ვაქცინირებული იქნა 5-11 წლამდე ასაკის 9 მილიონამდე ბავშვი Biontech/Pfizer ვაქცინით. ძალიან იშვიათ შემთხვევაში დაფიქსირდა უფრო მძიმე გვერდითი მოვლენები. VAERS საინფორმაციო სისტემის მიხედვით, რომელშიც იტყობინებიან აცრის გვერდითი მოვლენების შესახებ, დაახლოებით 9 მილიონი აცრიდან ამ ასაკობრივ ჯგუფში დაფიქსირდა მიოკარდიტის 12 დადასტურებული შემთხვევა, ყველა მათგანი იყო მსუბუქი. სხვა სერიოზული გვერდითი მოვლენები კიდევ უფრო იშვიათად დაფიქსირდა.

ჯამში Comirnaty ვაქცინის ხელმისაწვდომი უსაფრთხოების მონაცემები აჩვენებს მიოკარდიტის მნიშვნელოვნად დაბალ რისკს 5-11 წლის ასაკის ბავშვებში, მოზარდებთან და ახალგაზრდებთან შედარებით. რისკის დამატებით შემცირება შესაძლებელია ვაქცინაციის უფრო დიდი ინტერვალით. Comirnaty-თ ვაქცინაციის ხელმისაწვდომი მონაცემების საფუძველზე უსაფრთხოების ახალი პრობლემა არ გამოვლენილა. Spikevax-ისთვის აპლიკაციის საფუძველზე არსებული მონაცემები ხელმისაწვდომი არ არის, ამიტომ უსაფრთხოების საბოლო შეფასება ამ ეტაპზე შეუძლებელია.

აცრის მოქმედების პრინციპის გამო არ არის მოსალოდნელი ხანგრძლივი ან გვიანი ეფექტები. ვაქცინა მთლიანად იშლება ორგანიზმში რამდენიმე საათის ან რამდენიმე დღის შემდეგ. არასასურველი გვერდითი მოვლენები ვლინდება ( თუ საერთოდ ვლინდება) აცრის შემდეგ მალევე. ზოგჯერ აცრის ძალიან იშვიათი გვერდითი მოვლენები მხოლოდ მოგვიანებით ვლინდება, რადგან მათი გამოვლენა მხოლოდ საკმარისი რაოდენობის შემთხვევების შესწავლის შემდეგ ხდება: თუ გვერდითი მოვლენა მხოლოდ 50000 შემთხვევიდან 1-ში ფიქსირდება, ის არ იქნება გამოვლენილი, თუ (მაგალითად, ბავშვთა ვაქცინის დამტკიცების კვლევაში) მხოლოდ 5000 შემთხვევა იქნება გამოკვლეული. მხოლოდ აშშ-ში დაახლოებით 9 მილიონი ბავშვის აცრის შესახებ არსებული მონაცემებით, დღემდე არ არსებობს რაიმე მტკიცებულება, რომ კონკრეტული გვერდითი მოვლენები უფრო ხშირად გვხვდება ბავშვებში.

არა. დადასტურებულია, რომ აცრა არ ახდენს უარყოფით გავლენას ბიჭების/მამაკაცების რეპროდუქციულ უნარზე ან გოგონების/ქალების ნაყოფიერებაზე. ეს ასევე ეხება ბიჭებსა და გოგოებს პუბერტატულ ასაკამდე და პუბერტატულ ასაკში.

ომიკრონის ვარიანტს შეუძლია გვერდი აუაროს ვაქცინაციის დაცვას. არსებობს მონაცემები იმის შესახებ, რომ ვაქცინაცია ამცირებს ვირუსულ დატვირთვას ინფიცირების შემთხვევაში. თუ აცრილი ადამიანი დაინფიცირდება, იგი ნაკლებად გადამდებია სხვა ადამიანებისთვის. ვაქცინაცია ასევე იცავს დაავადების მძიმე პროგრესირებისგან ან გართულებებისგან.

არა, აზრი არ აქვს დაელოდოთ ბავშვებისთვის ადაპტირებული ვაქცინის დამტკიცებას. მიუხედავად იმისა, რომ ომიკრონის ვარიანტზე ადაპტირებული ვაქცინა დამტკიცებულია მოზრდილებისთვის, სავარაუდოდ მეტი დრო იქნება საჭირო სანამ ის ხელმისაწვდომი იქნება ბავშვებისთვის. ადაპტირებული ვაქცინის გამოსვლამდე ბავშვის ინფიცირების რისკი ძალიან მაღალია, ძირითადად ომიკრონის გავრცელებული ვარიანტის გამო.

ახალი ინაქტივირებული ვაქცინები თავდაპირველად დამტკიცებული იყო ზრდასრულებისთვის და მხოლოდ შესაბამისი კვლევების შემდეგ იქნება ის ხელმისაწვდომი მცირე ასაკის ბავშვებისთვის. ცილაზე დაფუძნებული ვაქცინა Nuvaxovid (Novavax) ამჟამად დამტკიცებულია 12 წლის და უფროსი ასაკის ადამიანებისთვის. ნუ დაველოდებით, რომ ბავშვებისთვის ვაქცინა დამტკიცება მალე და რომ უსაფრთხოების შესახებ სრულყოფილი ინფორმაცია ბავშვებისთვის ხელმისაწვდომი იქნება ისევე, როგორც ახლა ბავშვებისთვის უკვე დამტკიცებული BioNTech/Pfizer-ის ვაქცინის შემთხვევაში. აქამდე არსებული ცოდნის საფუძველზე არ შეიძლება ვივარაუდოთ, რომ ინაქტივირებული ვაქცინები გვთავაზობს რაიმე უპირატესობას ეფექტურობის ან უსაფრთხოების თვალსაზრისით, ბავშვთა BioNTech/Pfizer-ის უკვე დამტკიცებულ ვაქცინასთან შედარებით. გარდა ამისა, არსებობს ბავშვის კორონავირუსით დაინფიცირების მაღალი რისკი იქამდე, სანამ ამ ასაკობრივ ჯგუფში ინაქტივირებული ვაქცინა დამტკიცდება. ამიტომ, არ არსებობს მიზეზები, თუ რატომ უნდა დაველოდოთ ბავშვებისთვის ინაქტივირებული ვაქცინის დამტკიცებას, თუ პრინციპში უკვე გადაწყვეტილია ვაქცინაცია. მნიშვნელოვანია, რომ დამტკიცებული mRNA ვაქცინა ასევე არ იყოს ცოცხალი ვაქცინა, რადგან არ გამოიყენება რეპროდუქციული ინფორმაციული აგენტები. უფრო მეტიც, აცრები, რომლებიც მოქმედებენ mRNA პრინციპის მიხედვით, აერთიანებს მკვდარი და ცოცხალი ვაქცინების უპირატესობებს, მნიშვნელოვანი უარყოფითი მოვლენების გარეშე.

თუ ინფექცია უახლოეს წარსულში იყო გადატანილი, სავარაუდოა იმუნიტეტის არსებობა. თუ ინფექცია დიდი ხნის წინ იყო გადატანილი, ამან შეიძლება იმუნიტეტი დააქვეითოს. აცრას აზრი აქვს განსაკუთრებით გადატანილი ავადმყოფობის მქონე ბავშვებისთვის. ინფექციასა და ვაქცინაციას შორის რეკომენდირებული ინტერვალია სულ მცირე 3, იდეალურ შემთხვევაში 6 თვე.

ბავშვებს უფლება აქვთ ჩაერთონ და, მათი განვითარების დონიდან გამომდინარე, ჩართულნი უნდა იყვნენ იმ გადაწყვეტილებების მიღებაში, რომლებიც მათ ეხებათ. გადაწყვეტილების მიღებაზე პასუხისმგებლობა, უნდა აიცრას თუ არა ბავშვის, ეკისრებათ მშობლებს და არა ბავშვს. სპეციალური მასალების ჩამოტვირთვა, რომლებიც პასუხობს აცრის შესახებ კითხვებს ბავშვებისთვის გასაგებად, შესაძლებელია მაგალითად, ჯანმრთელობის ფედერალური სამინისტროს ვებ-გვერდზე, ლოგოს! მთავარ გვერდზე.

ბავშვების აცრა პირველად ხდება პედიატრებთან. ბევრი პედიატრი აცრას უკეთებს 5-დან 11 წლამდე ასაკის ბავშვებს მშობლების თანხმობით, როგორც ამას რეკომენდაციას უწევს ვაქცინაციის მუდმივი კომიტეტი (STIKO). ასევე არსებობს აცრის სპეციალური შეთავაზებები ბავშვებისთვის ვაქცინაციის ცენტრებში ან აცრის კამპანიების დროს. ვაქცინაციის შეთავაზებების მიმოხილვა არის აქ: dranmachen-bw.de; აქ ასევე შეგიძლიათ მოძებნოთ აცრის შეთავაზებები სპეციალურად ბავშვებისთვის. ვაქცინაციის ჯავშანი ბადენ-ვიურტემბერგში შეიძლება გაკეთდეს შემდეგ მისამართზე www.impftermin-bw.de . , დაგვიკავშირდით 0800 / 282 272 91.

დიახ. ბავშვების ასაცრელად საჭიროა კანონიერი მეურვის თანხმობა; მხოლოდ მოზარდობის ასაკიდან შეუძლია (დაახლოებით 14 წელი) ახალგაზრდას თავად მიიღოს გადაწყვეტილება. თუ ორივე მშობელს აქვს ერთობლივი მეურვეობის უფლება, მაშინ ორივემ უნდა გასცეს თანხმობა. მეორე ხელმოწერა არ არის საჭირო ერთადერთი მეურვის შემთხვევაში.

ყოველი აცრისთვის გაიცემა აცრის ციფრული სერტიფიკატი, რომელიც მშობლებს შეუძლიათ ატვირთონ Corona-Warn-App-ში ან CovPass-App-ში თავიანთ სმარტფონზე. აცრის ციფრული სერტიფიკატი QR-კოდით ასევე შეიძლება გამოყენებული იყოს ბეჭდური სახით. ასევე, არსებობს აცრის ბარათები, რომლებსაც ამზადებენ მაგალითად, აფთიაქები (ფასიანია). იმ ბავშვებისთვის, რომლებსაც არ აქვთ მობილური ტელეფონი, არსებობს გამოსავალი - მათ თან უნდა იქონიონ აცრის მოწმობა.

არა. ბავშვების აცრისას გადამწყვეტი მნიშვნელობა აქვს, რა იქნება ბავშვისთვის საუკეთესო. საკანონმდებლო მოთხოვნებით უზრუნველყოფილია ბავშვების დაშვება მაგალითად, დაწესებულებებში და ღონისძიებებზე, აცრის გარეშეც კი.