აცრა ორსულთა, მეძუძური ქალებისა და ბავშვის გაჩენის მსურველთათვის

დიახ, ადგილზე აცრა ასევე ტარდება მთელი ქვეყნის მასშტაბით. ორსული და მეძუძური ქალების აცრას ასევე უზრუნველყოფენ ოჯახის ექიმები და სპეციალისტები. ჩაწერა შესაძლებელია უშუალოდ კლინიკაში. რეკომენდებულია რომ კლინიკებს ცოტა ადრე მივმართოთ. თუ არ გაქვთ ოჯახის ექიმის პრაქტიკა, შეგიძლიათ გამოიყენოთ ბადენ-ვიურტემბერგის კორონავირუსის გავრცელების რუკა ჯანმრთელობის დაზღვევის ექიმთა ასოციაციის ვებ-გვერდზე BW, რათა იპოვოთ კორონავირუსის უახლოესი სპეციალიზირებული სამედიცინო კლინიკის მდებარეობა, აცრაზე ჩასაწერად.

ინფექციის შემდეგ ორსულობასთან დაკავშირებული ვაქცინაციის დეტალები ძირითადად უნდა განიხილებოდეს მკურნალ გინეკოლოგთან.

• თუ ადამიანი იყო სიმპტომურად ავად, ვაქცინაციის მუდმივი კომიტეტი (STIKO) რეკომენდაციას უწევს აცრას ერთჯერადი დოზით, ჩვეულებრივ, ინფიცირებიდან სამი თვის შემდეგ. პერიოდი შეიძლება შემცირდეს ოთხ კვირამდე.
• თუ პირს ჰქონდა დადებითი PCR ტესტი, მაგრამ არ ქონდა სიმპტომები, რეკომენდებულია აცრა ლაბორატორიული დასკვნიდან ოთხი კვირის შემდეგ.
• თუ უკვე ერთხელ გაიკეთეთ აცრა და შემდეგ მაინც დაინფიცირდით, მაშინ, ასევე რეკომენდებულია მეორე აცრა სამი თვის ინტერვალით.

იმავდროულად, სამართლებრივი გაგებით, სრულად ვაქცინაციით დაცვის მტკიცებულება ასევე ხელმისაწვდომია SARS-CoV-2 ანტისხეულების ტესტზე დადებითი პასუხის მქონე პირისთვის, რომელმაც SARS-CoV-2 ანტისხეულების დადებითი შედეგის შემდეგ მიიღო ვაქცინის ერთი დოზა.

ორსული ქალებისთვის რეკომენდებულია აცრა ორსულობის მეორე ტრიმესტრიდან Comirnaty (BioNTech/Pfizer)-ის mRNA ვაქცინის ორი დოზით, ორი 3-6 კვირის ინტერვალით.

სამეცნიერო დასკვნები აჩვენებს, რომ განმეორებითი აცრის შემდეგ უფრო მეტად დაცული ხარ. ვინაიდან ორსული ქალებისთვის არ არსებობს აცრასთან დაკავშირებული განსაკუთრებული რისკები, განმეორებითი ვაქცინაციის ან ვაქცინაციის შესახებ ზოგადი რეკომენდაცია ასევე ძალაშია ორსულობის დროს. ეს ნიშნავს, რომ ორსული ქალებისთვის, რომლებიც უკვე აცრილები არიან ვაქცინის ორი დოზით, რეკომენდებულია მე-2 ტრიმესტრში Comirnaty-ს mRNA ვაქცინით განმეორებითი აცრა ასაკის მიუხედავად, მინიმუმ 3 თვის ინტერვალით პირველადი იმუნიზაციიდან.

RKI-ს თანახმად, ინაქტივირებული აცრების ზოგადი წესია, რომ ორსულობის პირველ ტრიმესტრში უნდა გაკეთდეს სასწრაფოდ ნაჩვენები აცრები, რათა თავიდან იქნას აცილებულ სპონტანური აბორტები, რომლებიც ხშირია ორსულობის ადრეულ პერიოდში და რასაც არასწორად უკავშირებენ აცრას, და შესაბამისად იგი ცალკეულ შემთხვევებში, განსაკუთრებულ ფსიქოლოგიურ ტვირთად იქცევა.

ორსული ქალების აცრა რეკომენდებულია 2021 წლის სექტემბრიდან. დეტალური სამეცნიერო დასაბუთება და ტესტი ადასტურებს ვაქცინაციის უსაფრთხოებასა და ეფექტურობას ორსულებსა და მეძუძურ ქალებში. საერთო ჯამში, ამ დროისთვის წარმოდგენილი იყო 50000-ზე მეტი აცრილი ორსული ქალის უსაფრთხოების მონაცემები, სადაც არ დადასტურებულა ხშირი გვერდითი ეფექტები ან ვაქცინაციით გამოწვეული დაზიანებები ორსულ ქალებში, ნაყოფებში და ახალშობილებში. სხვა ქვეყნებმა ორსული და მეძუძური ქალების აცრა გაცილებით ადრე დაიწყეს. 2021 წლის ნოემბერში გერმანიის სპეციალისტთა საზოგადოებები (მათ შორის, ძუძუთი კვების ეროვნული კომისია, გერმანიის პერინატალური მედიცინის საზოგადოება, გერმანიის გინეკოლოგიისა და მეანობის საზოგადოება) შეუერთდნენ ვაქცინაციის მუდმივმოქმედი კომისიის რეკომენდაციას. საშუალოდ, გერმანიაშიც ბევრი ორსული და მეძუძური ქალია აცრილი და არ არსებობს აცრის რაიმე უარყოფითი შედეგების ჩვენება.

ორსულთან ახლო კონტაქტის მქონე პირებმაც (12 წლიდან) უნდა გაიკეთონ აცრა, რათა დაიცვან არა მარტო საკუთარი თავი, არამედ ორსული და ბავშვი კორონავირუსით ინფიცირებისგან.

ორსული ქალების ვაქცინაციის რეკომენდაციის საფუძველს ქმნის საგრძნობლად გაუმჯობესებული მონაცემები, რომლებმაც ჯერჯერობით არ აჩვენა არასასურველი გვერდითი მოვლენების ან სერიოზული გართულებების გახშირება კორონა ვირუსის საწინააღმდეგო აცრის შემდეგ, არაორსულ ქალებთან შედარებით. არსებული მონაცემები არ აჩვენებს მკვდრადშობადობის, ნაადრევი მშობიარობის ან სისხლძარღვთა მალფორმაციის სიხშირეს.

განსაკუთრებით ორსულებისთვის, რომლებსაც გადატანილი აქვთ დაავადებები ან ადრე ქონდათ არსებული რისკ-ფაქტორები, როგორიცაა სიმსუქნე, ქრონიკული მაღალი წნევა ან დიაბეტი, არსებობს COVID-19-ის მძიმე მიმდინარეობის მაღალი რისკი, რომელიც სულ უფრო და უფრო იზრდება ასაკთან ერთად. ამიტომ ორსულებმა თავი მაქსიმალურად უნდა დაიცვან ვაქცინაციით კორონავირუსის ინფექციისგან ორსულობის მეორე ტრიმესტრიდან.

ამ დრომდე არ დაფიქსირებულა თრომბოზის შემთხვევები ორსულებში mRNA ვაქცინით ვაქცინაციის შემდეგ.

არანაირი სამედიცინო მიზეზი არ არსებობს აცრის გადადებისთვის, დაგეგმილი საკეისრო კვეთის გამო. თუ ეჭვი გეპარებათ, გაესაუბრეთ თქვენს მკურნალ ექიმს.

ამჟამად, არ არის რეკომენდირებული ორსული ქალების აცრა COVID-19 ცილაზე დაფუძნებული Novavax -ის ვაქცინით.

ვაქცინაციის მუდმივი კომიტეტი (STIKO) რეკომენდაციას უწევს აუცრილი მეძუძური ქალების აცრას mRNA ვაქცინის ორი დოზით. ამჟამად, 30 წლამდე ასაკისთვის გამოიყენება მხოლოდ Comirnaty.

არ არის საჭირო ძუძუთი კვების შეწყვეტა mRNA ვაქცინებით ვაქცინაციის შემდეგ, რადგან დღემდე არ არსებობს რაიმე მტკიცებულება ძუძუთი კვების დროს წამლის მძიმე არასასურველი გვერდითი რეაქციების გაჩენის რისკის შესახებ დედისა და ბავშვისთვის. უფრო მეტიც, დედის აცრამ ასევე შეიძლება დადებითად იმოქმედოს ჩვილზე: დედის რძეში შემავალ ანტისხეულებს შეუძლიათ ბავშვისთვის დამცავი იმუნიტეტის შექმნა.

აცრის გაკეთების შესახებ ზოგადი რეკომენდაციები ასევე გამოიყენება მშობიარობის პერიოდში (დაბადებიდან ექვსი კვირის შემდეგ): ამასობაში უკვე ყველასთვის რეკომენდებული გახდა აცრის გაკეთება ძირითადი იმუნიზაციისთვის და განმეორებითი აცრა. ვაქცინაციის მუდმივი კომიტეტი (STIKO) რეკომენდაციას უწევს აცრილი მეძუძური ქალების აცრას mRNA ვაქცინის 2 დოზით, თუმცა, 30 წლამდე ასაკის ქალებში გამოიყენება მხოლოდ Comirnaty, რადგან Spikevax-ით აცრის შემდეგ მიო-/პერიკარდიტის განვითარების რისკი უფრო მაღალია ამ ასაკობრივ ჯგუფში, ვიდრე Comirnaty-ის შემდეგ. თუ ეჭვი გეპარებათ, გაესაუბრეთ თქვენს მკურნალ ექიმს.

არ არსებობს არანაირი მტკიცებულება იმისა, რომ ვაქცინაციის შედეგად ქალები ან მამაკაცები ხდებიან უნაყოფონი ან იმპოტენტები. ამის შესახებ მეტი ინფორმაცია შეგიძლიათ იხილოთ კითხვის ქვეშ „აქცევს თუ არა COVID-19-ის საწინააღმდეგო აცრა ქალებს ან მამაკაცებს უნაყოფოებს?“ RKI-ის მთავარ გვერდზე.

აცრა ასევე მნიშვნელოვანია და სწორია ქალებისთვის, რომლებსაც სურთ შვილის გაჩენა, რადგან ის სრულყოფილად იცავს თავად ქალს შემდგომი ორსულობისთვის.